जुम्ला । जुम्लाका स्थानीय तहले घर
बिमा कार्यक्रम लाई अगाडि बढाएका छन् । कतिपय पालिकाले घर बिमा कार्यक्रम लागू गरि संचालनमा समेच ल्याइ सकेका छन् । भने सिंजा गाउँपालिकाले भर्खर पालिका भित्रका २ हजार ४ सय घरधूरीको घर बीमा गर्ने निर्णय गरेकाे छ ।
कर्णाली प्रदेश सरकारको आन्तरिक मामिला तथा कानुन मन्त्रालयको चालु आर्थिक वर्ष २०८१/०८२ को वार्षिक स्वीकृत कार्यक्रम अनुसार प्रदेशका सबै घरहरुको विपद् जोखिम बीमा कार्यक्रम अन्तर्गत सिंजा गाउँपालिका छनौटमा परे पछि अब घर बीमाको काम अगाडि बढ्ने भएको हे ।
गत चैत २५ गते उक्त कार्यक्रमका लागि मन्त्रालयले स्थानीय तहलाई १५ दिनको समय दिएर बीमा गर्ने विषयमा सहभागी हुन सूचना प्रकाशन गरिएकाे सिंजा गाउँपालिका अध्यक्ष पूर्णप्रसाद धितालले जानकारी दिए । उनका अनुसार, सिंजाले तोकिएको मापदण्डमा रही काम गर्दा छनोटमा परेको हो बताए ।
अध्यक्ष धितालले भन,“कार्यक्रमका लागि मन्त्रालयले अधिकतम प्रतिघर २० लाख रुपैयाँको बिमांक बराबरको जोखिम मूल्यांकन बाट हुन आउने बीमा शुल्क बापतको रकम भुक्तानी गरिदिने व्यवस्था गरेको छ । भूकम्प, आगलागी, बाढी तथा डुबान, हावाहुरी लगायत प्रकारका प्रकृति विपद् क्षतिग्रस्त भएका घरको बिमामार्फत क्षतिपूर्ति पाउने भएका छन् ।”
एक परिवारका लागि एक घरको बीमा शुल्क प्रदेश सरकारले भुक्तानी गरिदिने व्यवस्था गरिएको सिंजा गाउँपालिका अध्यक्ष धितालको भनाइ छ ।कर्णालीका निजी तथा आवासीय घरमा विभिन्न विपद्बाट हुने क्षतिबाट बचाउन प्रदेश सरकारले घर बीमा कार्यक्रम सुरु गरेको हो ।
जसका लागि घर बिमा कार्यक्रम संचालन सम्बन्धी कार्यविधि २०८१ कार्यान्वयनमा ल्याइएको छ । यसका लागि प्रदेश सरकारले यो वर्ष ४ करोड ७५ लाख रुपैयाँ बजेट छुट्याएको कर्णाली प्रदेश सरकारको आन्तरिक मामिला तथा कानुन मन्त्रालयले जनाएको छ ।