जुम्लाको तातोपानी गाउँपालिका–८, राक्से स्थित पाटनमा आज दिउँसो ३ बजेतिर आएको बाढी र पहिरोका कारण दर्जनौं भेडा बगेका छन्।
लगातारको वर्षातले बाढी आएको र सोही समयमा स्थानीय सर्प राज रावलसहित ८–९ जना चराउँदै गरेको भेडाको बथान बगेको वडाध्यक्ष तिलक बहादुर रावतले जानकारी दिए।
घटनाबारे जिल्ला प्रहरी कार्यालय, जुम्लामा साँझ ५ बजे टेलिफोनमार्फत जानकारी दिइएको वडाध्यक्ष रावतले बताए।
हालसम्म बगेका भेडाको सठिक सङ्ख्या र अन्य क्षतिको विवरण प्राप्त नभएको र अनुसन्धान भइरहेको प्रहरीले जनाएको छ।
प्रहरीका अनुसार घटनास्थल अस्थायी प्रहरी चौकी ताम्तीबाट करिब ५–६ घण्टा पैदल दुरीमा पश्चिमतर्फ पर्छ भने जिल्ला प्रहरी कार्यालयबाट करिब ७५ किलोमिटर पूर्वमा अवस्थित छ।