चन्दननाथ नगरपालिका–४ निवासी, मावि चन्दननाथ गाविसका पूर्व अध्यक्ष तथा समाजसेवी तिर्थराज भारतीको ८३ वर्षको उमेरमा निधन भएको छ। उहाँको निधन २०८२ साउन ४ गते दिउँसो ३ बजे भएको पुष्टि गरिएको छ।
दीर्घकालदेखि समाजसेवामा समर्पित भारतीको असामयिक निधनले चन्दननाथ नगरपालिका र आसपासको क्षेत्र शोकमा डुबेको छ। नेतृत्व, जनसेवा र विकासका विविध क्षेत्रमा सक्रिय रहँदै आएका उहाँले जीवनभर स्थानीयस्तरमा सकारात्मक परिवर्तनका लागि योगदान पुर्याउनुभएको थियो।
उहाँप्रति श्रद्धाञ्जली अर्पण गर्दै चन्दननाथ नगरपालिकाले एक दिनको सार्वजनिक बिदा दिने निर्णय गरेको छ। नगरपालिकाको निर्णयअनुसार २०८२ साउन ५ गते सोमबारका दिन नगरपालिका अन्तर्गतका सबै कार्यालयहरू बन्द रहनेछन्।
नगरप्रमुखको कार्यालयबाट जारी विज्ञप्तिमा स्व. भारतीप्रति श्रद्धाञ्जली अर्पण गर्दै शोकसन्तप्त परिवारप्रति गहिरो समवेदना प्रकट गरिएको छ। साथै, नगरवासी, कर्मचारी र सरोकारवालालाई सहानुभूतिपूर्ण व्यवहार र सहयोग गर्न अनुरोध गरिएको छ।
–