कञ्जिरोवा टाइम्स गोपनीयता नीति
हामी हाम्रो वेबसाइट र मोबाइल एपमार्फत पाठकहरूबाट अत्यन्तै कम जानकारी मात्र संकलन गर्छौं। हामी “गोपनीयता ऐन २०८० (Privacy Act 2023)” को पूर्ण पालना गर्छौं।
संकलित जानकारी
Kanjirowa Times मा तपाईंको गोपनीयता हाम्रो लागि अत्यन्त महत्वपूर्ण छ।
जब तपाईं हाम्रो वेबसाइट वा एप प्रयोग गर्नुहुन्छ, हामी तपाईंसँग प्रत्यक्ष रूपमा जोड्न नसकिने केही सामान्य प्राविधिक जानकारीहरू स्वतः संकलन गर्छौं:
- IP ठेगाना
- स्थानसम्बन्धी जानकारी (geolocation)
- तपाईंको प्रयोग गरिरहेको उपकरणको प्रकार
- वेबसाइट वा एपमा बिताएको समय
हामी यी जानकारीहरू केवल वेबसाइट/एपको सुधार, सुरक्षा, र विश्लेषणका लागि मात्र प्रयोग गर्छौं।
तेस्रो पक्षसँग जानकारी साझा
Kanjirowa Times ले तपाईंको व्यक्तिगत जानकारी कुनै पनि तेस्रो पक्षसँग बिक्री, साटासाट वा साझेदारी गर्दैन।
तर, तपाईंले हाम्रो फेसबुक, ट्विटर, इन्स्टाग्राम, टिकटक, युट्युब, वा रिडिट जस्ता सामाजिक सञ्जालमार्फत हाम्रो सामग्रीमा प्रतिक्रिया दिनु भएको खण्डमा, तपाईंले ती प्लेटफर्महरूमा उपलब्ध गराएका व्यक्तिगत जानकारीहरू अरू प्रयोगकर्ताले देख्न सक्छन्। यस्तो अवस्थामा ती सामाजिक सञ्जालको गोपनीयता नीतिहरू लागू हुनेछन्।
समाचारमा गोपनीयता
- यदि कुनै समाचार स्रोतले आफ्नो पहिचान गोप्य राख्न चाहन्छ भने हामी त्यसको पूर्ण सम्मान गर्छौं।
- हिंसा वा दुर्व्यवहारका पीडितहरूको परिचय हामी गोप्य राख्नेछौं।
- अभियुक्तको परिचय सामान्य अवस्थामा गोप्य राखिन्छ। तर यदि ती व्यक्ति सार्वजनिक पदमा छन् वा चर्चित व्यक्तित्व हुन् भने, सम्पादकीय निर्णयअनुसार परिचय खुलाइएको हुन सक्छ।
- फोन, इमेल, म्यासेन्जर लगायत कुनै पनि माध्यमबाट Kanjirowa Times सँग भएको संवाद गोप्य राखिनेछ।
बालबालिकासँग सम्बन्धित गोपनीयता
हामी बालबालिकासम्बन्धी समाचार संकलन गर्दा विशेष सावधानी अपनाउँछौं।
यदि कुनै समाचारमा बालबालिकाको प्रयोग आवश्यक छ भने, हामी अभिभावक वा विद्यालयबाट पूर्वस्वीकृति लिनेछौं।
कृत्रिम बुद्धिमत्ताको प्रयोग (AI Use)
Kanjirowa Times ले सामग्री उत्पादन र व्यवस्थापनमा सहायक प्रविधिका रूपमा कृत्रिम बुद्धिमत्ता (AI) प्रयोग गर्ने नीति अवलम्बन गरेको छ। हामी यसका सबै प्रयोगहरूमा नैतिकता र पारदर्शिताको पूर्ण ख्याल राख्छौं।
डाटा मेटाउने प्रक्रिया (Data Deletion)
यदि तपाईं आफ्नो खाता र सम्बन्धित जानकारी मेटाउन चाहनुहुन्छ भने, तपाईं कुनै पनि सञ्चार माध्यम (इमेल, म्यासेज आदि) मार्फत औपचारिक अनुरोध गर्न सक्नुहुन्छ।
हाम्रो टोलीले तपाईंको अनुरोध तपाईंको इमेलमार्फत पुष्टि गरेपछि मात्र मेटाउने प्रक्रिया सुरु हुनेछ।
यदि तपाईंलाई थप सुझाव वा प्रश्न छन् भने, हामीलाई निम्न ठेगानामा सम्पर्क गर्नुहोस्:
📧 इमेल: kanjirowatimes@gmail.com